2024
Altersheimbesuche in Kandersteg und Lauterbrunnen. Schön, können wir mit unserem Singen & Jutzen, Freude bringen.
2023
2022
O im 2022 hi mir ads Ländlermusik Wucheend dörfä ga singe. I däm Jahr simer wieder vom Fabian beglitet worde.
2021
Am 18. Juli 2021 hets de entlig chönnä witerga mit ösere CD-Vorstelligstour. Mir, Stella Alpina, sowie d Fisi-Gruess Örgeler hi i Lohner im Üschenetal dörfa ga singe u musigä.
Am 15. August het de o entlig wieder es Ländlermusik Wucheeend ader Engstlige chönne stattfinde. Wüll Fabian dert sälber het Musig gmacht u Christian isch verhinderet gsi, hi mir ds aller erste Mal ohni Beglitig gsunge.
U de am 13. November hi mier es grosses Highlight dörfe erläbe. I dr Sendig Urchigi Müsig im TV Oberwallis hi mir dörfe ga singe!
Hie findet dir die ganzi Sendig!
Am 10. Dezember het wieder öse Winterylüüte stattgfunde.
2020
Im 2020 het o bi ös wäge Corona ganz vil ned chönnä stattfinde. Mir hi aber öses Grossprojekt no gad vorhär gstartet u de während dr Coronazyt chönne fertigstelle:
Im Juli 2020 isch si da gsi: Ösi CD Gläbti Tradtition us em Kandersteg
Wüll ä CD-Toufi nie isch müglech gsi, hi mir ös uf Beizetour gmacht. Fri nachem Motto: Wed Lüt ned zu ös dörfe cho, göh mir halt zu de Lüt.
Am 16. August hi mir also bim Tourist Center Kandersteg gstartet, si witer zum Restaurant Altels, Kandergrund, de itz Restaurant Bahnhof, Reichenbach, witer i Marlene's Snackbar, Stechelberg u zum Schluss no its Mountaine Hostel, Gimmelwald
Am 27. September himer d CD-Tour 2 gmacht u si ids Kander-Alpstübli, Kandersteg. Igentlech himer i Lohner im Üschinental welle, aber da het ös dr Schnee ä Strich dürd Rächnig gmacht.
2019
Am 11. August si mir wieder als Ländlertraffe Engstlige gange.
Am 15. September himer ider BEO-Stubete idr Raclettehütte Engstligenalp dörfe hälfe. Am 27. Oktober simer de nogad is id Racletthütte ga singe.
Ds zweite Winterylüüte het am 6. Dezember 2019 stattgfunde. Mitghulfe hi ds Jodlerquartett Drüspitz ud Formation Stella Alpina
2018
Am 11. August himer wieder ads Ländlerträffe Engstlige dörfe.
Vom 15-17. Juni si mir ds erste mal anes Bernisch Kantonals Jodlerfest. Mitem Lied Firabe im Bärgli vom Heinz Ogi hi mier Klass 2 dörfe erreiche.
Am 7. Dezember 2018 het öses erst Winterylüüte stattgfunde.
Für ös es ersts Highlight. Mit drbi gsi sid Fisi-Grues Örgeler, sowie ds Jodlerquartett Drüspitz.
2017
Am 20. August isch wieder ds Ländlertreffen Engstligenalp gsi. Mir sie vo Alphütte zu Alphütte zu de Lüt ga singe.
Am 27. August hi mir de z erste Mal ader Jodlerchilbi vom Jodlerklub Kandersteg dörfe ufträtte.
2016
Im 2016 hi mir ds erste Mal anes Ländlerträffe ad Engstlige dörfe ga singe.
Scho gli hei mir öse erst Uftritt gha am Altersnami ds Kandersteg gsunge.
2015
Am 7.9. 2015 het ösi ersti Prob stattgfunde. Mir hei zämä besproche, was mir gärn wette Singe.